Ədviyyatların istehsalı ilə bağlı dəyişiklər qüvvəyə minəcək

Gürcüstan hökumətinin sərəncamına əsasən, ədviyyatların istehsalı, işlənilməsi və bazara çıxarılması ilə bağlı, risk idarəsinin müvəqqəti ölçüləri qüvvəyə minəcək. Risk idarəsinin müvəqqəti ölçülərinin qüvvəyə minməsi müddəti ən azı 2 il müəyyən edilib.

Yeni qaydalara əsasən: Fiziki şəxslər (Fərdi istehsalçılardan başqa) tərəfindən ədviyyatların istehsalı və ya işlənilməsi qadağan olunur; Fiziki şəxslər tərəfindən ədviyyatların yalnız o, halda işlənilməsi mümkündür ki, istifadəçinin gözü qabağında yerində hazırlanır; Biznes operatorlar tərəfindən istehsal olunan və ya işlənilən ədviyyatların bazara çıxarılması yalnız paketlənmiş şəkildə, Gürcüstan qanunvericiliyinə əsasən etiketləşdirməni qorumaqla mümkündür.

Bu isə tədqiqat və keyfiyyətin dövlət tərəfindən idarəsinin həyata keçirilməsini təmin edir.