Şahismayıl Şəmmədoğlunun “Heydər Əliyev və Gürcüstan” kitabının təqdimatı keçirilib
Bildirilib ki, Tbilisidə xalqımızın ümummilli lideri, ulu öndər Heydər Əliyevin anadan olmasının 94-cü ildönümü ərəfəsində işıqüzü görmüş kitabın ikinci nəşri iki dildə – Azərbaycan və gürcü dillərində nəfis şəkildə çap olunub.
Tanınmış ictimai xadim, yazıçı-dramaturq Hidayət Orucov və “Gürcüstan” qəzetinin redaktoru, Gürcüstanən Əməkdar jurnalisti İslam Əliyevin redaktəsi ilə nəşr olunan kitabda müəllifin – Gürcüstanən Əməkdar jurnalisti, Şahismayıl Şəmmədoğlunun son illərdə qələmə aldığı, Azərbaycan və Gürcüstan mətbuatında dərc olunan, eləcə də Azətbaycan və Gürcüstan televiziyalarınında səslənən yazıları toplanıb.
Kitabda xalqımızın ümummilli lideri, ulu öndər Heydər Əliyevin, eləcə də onun ləyaqətli davamçısı Azərbaycan Respublikasının Prezidenti İlham Əliyevin qonşu Gürcüstana səfərləri, bu səfərlər zamanı iki dost və qardaş ölkələrin ikitərəfli əməkdaşlıq əlaqələrinin daha da möhkəmləndirilməsi və inkişaf etdirilməsi naminə göstərdikləri böyük xidmətlər aydın şəkildə oxucuya çatdırılır.
P.S.: Yaxın zamanlarda kitab haqqında oxucularımıza ətraflı məlumat dərc edəcəyik.
Müşfiq BORÇALI,
ZiM.Az