20 mart tarixində Gürcüstanın Təhsil və Elm naziri Aleksandre Cecelava və Gürcüstan parlamentinin üzvləri, majoritar deputatlar Tamaz Naveriani və Ruslan Hacıyev Marneuli 2 və 3 saylı ictimai məktəblərində keçirilən Novruz şənliyində iştirak edərək şagirdləri və müəllimləri bayram münasibəti ilə təbrik etdilər. Təhsil və Elm naziri öz təbriklərini məktəblilərə çatdırdıqdan sonra majoritar deputat Tamaz Naveriani şagirdləri və müəllimləri Novruz bayramı və yazın gəlişi münasibəti ilə ürəkdən təbrik etdi və xoş arzularını çatdırdı.
